Իմ մարմինը

Ինչպես գիտենք ծխելն հանգեցնում  է մի շարք լուրջ հիվանդությունների եւ առողջական խնդիրների առաջացման ռիսկերի մեծացմանը: Մարմնի բոլոր մասերն ու օրգանները հանդիսանում են ծխելու սովորույթի հետեւանքների կրիչներ, որի արդյունքում կարող են առաջանալ ինչպես կարճատեւ, այնպես էլ երկարատեւ առողջական հիմնախնդիրներ:

Մենք առանձնացրել ենք մարմնի բոլոր կարեւորագույն հատվածներն ու օրգանները եւ առաջարկում ենք դրանցից յուրաքանչյուրի փոփոխությունների մասին պատմող ամփոփ նյութ:

Մարմնի յուրաքանչյուր հատված, ունի ազդման յուրահատուկ մեխանիզմ եւ կարող է տարբեր լինել յուրաքանչյուր անհատի դեպքում:Այդ իսկ պատճառով ներկայացվում են առավել հաճախ հանդիպող փոփոխությունները:

Երկարատեւ հետազոտումից հետո առաջարկվող նյութը կարող է լրացուցիչ խթան հանդիսանալ նրանց համար, ովքեր պատրաստվում են թողնել ծխելը:

• Բերան և կոկորդ

  Ծխելն առաջացնում է այնպիսի խնդիրներ ինչպիսիք են բերանի վատ հոտը, ատամների դեղնավունությունը: Բացի այդ այն կարող է հիմք հանդիսանալ կարիեսի առաջացման համար: Ծխելը կարող է առաջացնել քաղցկեղ կոկորդի, ձայնալարերի, լեզվի շրջանում:

• Մաշկ

  Ծխելը նվազեցնում է մարմնին հասնող թթվածինը, որի արդյունքում մաշկը ծերանում է: Կանանց մոտ ծխելը հաճախ առաջացնում է ցելյուլիտ:

  Ոսկորներ

  Ծխելու հետեւանքով հնարավոր է մարմնի տարբեր հատվածների ոսկորների թուլացում: Այս երեւույթը առավել տարածված է կանաց շրջանում, ովքեր 5-10 տոկոսով ավելի մեծ հնարավորություն ունեն բախվելու խնդրի հետ:

• Թոքեր

  Այն հանգամանքը, որ ծխողներն առավել հաճախ են հազում, անգամ աննշան հիվանդանալու պարագայում թոքերի հետ կապված խնդիրներ ունենում դեռեւս ամբողջական ցանկը չէ, որ կներկայացնի ծխելու ազդեցությունները թոքերի վրա: Այն կարող է առաջացնել պնեվմոնիա, էնֆիզեմիա, ինչպես նաեւ թոքերի քաղցկեղ: Ընդ որում համաձայն վիճակագրական տվյալների թոքերի քաղցկեղից մահացողների 83 տոկոսը ծխողներ են:

• Սիրտ

  Անհատի մոտ տեղի է ունենում երակների ու զարկերակների նեղացում, որը կարող է հանգեցնել սրտի կաթվածի ու տարբեր տիպի սրտանոթային հիվանդությունների: Արդյունքում այն անձինք, ովքեր ծխում են կրկնակի անգամ ավելացնում են իրենց սրտանոթային հիվադությունների եւ սրտային կաթվածի ձեւավորման ռիսկերը:

• Արյան Շրջանարություն

  Արյան շրջանառության վատացման արդյունքում ծխողների մոտ կարելի է նկատել վերջույթների սառնություն, որը հաճախ կարող է հանգեցնել նաեւ ոսկրախտի: Արյան շրջանառության խախտման արդյունքում հնարավոր են կաթվածներ եւ օրգանների ժամանակավոր խափանումներ:

• Ստամոքս

  Ծխելը կարող է առաջացնել ստամոքսի քաղցկեղ, ինչպես նաեւ ստամոքսի խոց, ընդ որում ստամոքսի խոցը Հայաստանում բավականին հաճախ հանդիպող հիվանդություն է:

• Վերարտադրություն եւ պտղաբերության

  Ծխելը ոչ միայն կարող է հանգեցնել իմպոտենցիայի, այլ կարող է նվազեցնել սպերմատոզոիդների ակտիվության ժամանակաշրջանը, որն իր հերթին կարող է բերել անպտղության: Նմանապես կանանց մոտ կարող է առաջացնել անպտղություն կամ էլ վնասել ապագա երեխային հղիության ընթացքում: